17.1.18

VISITA DE LEO ( 4º EI )

Onte ó chegar a clase, atopámonos cunha sorpresa... Estaba Leo, a mascota da Bibilioteca Escolar, e un cofre de tesouros!! Dentro deste, descubrimos unha carta, na que Leo pedía axuda, xa que é unha serea e pasa moito tempo no mar, buscando libros e contos para a nosa Biblioteca. Leo necesita que lle axudemos a identificar animais mariños que poidan ser perigosos para ela.
Decidimos axudala, así que pensamos onde poderiamos encontrar información... Fumos á Biblioteca a buscar contos e libros sobre o mar, e ocorreúsenos a idea de preguntar ás familias, así que en breves... precisaremos máis AXUDA!!!







OS BUCEADORES (6º E.I.)

Como a nosa amiga Rosa é buceadora estivemos investigando que cousas precisamos para bucear, coñecendo como é un traxe de neupreno, as aletas, as gafas, o tubo para facer esnorquel, os plomos para o cinturón de pesos... ademais de ver unhas fotos da nosa profe buceando que nos sorprenderon moito. Tamén recibimos unha nova carta de Rosa onde nos explicaba que ela bucea con botella ou equipo autónomo e fumos ver o museo do mar, que estamos facendo no cole, unha botellas moi antigas que gustáronos moito e descubrimos outras formas de bucear como a apnea e o esnorquel. Podedes ver todas as fotos premendo no seguinte enlace: buceador.



16.1.18

NAVEGAMOS A COLOMBIA ( 4º EI )

O noso compañeiro Santiago, foi a Colombia no Nadal, así que buscamos no mapa onde está ese país.Decidimos utilizar o NAUTILUS, a barquiña de Breixo, para ir polo mar ata este país.

12.1.18

TABOA DE SURF (5º E.I.)

O luns ao chegar á escola tiñamos unha taboa de surf na aula, unha moi grande.
Sácamola da súa funda e observamos como era, logo tocámola,e atopamos unha parte áspera e outra suave. Preguntáronse porque era así ao tacto, e, ensineilles un trociño de cera, que ao principio dixeron era xabón. Ata que lles expliquei que era cera para botarlla a taboa para non resbalar cando nos subimos a ela e cabalgamos sobre as ondas do mar, por iso, onde ten cera, a taboa  é áspera. Tamén oléronna, e a cada un olíalle a diferentes cousas: vainilla, chocolate, para outros olía mal, etc.
Ao final encantoulles a taboa e xa decidimos como se vai chamar o proxecto deste 2º trimestre: "SURFEANDO POLO MUNDO"


11.1.18

INICIAMOS PROXECTO (6º E.I.)



Iniciamos  o  proxecto do segundo trimentre comezando analizando que sabemos do fondo do mar e que queremos saber. Ademais, nesta ocasión, contaremos cunha gran axuda, xa que recibimos unha mensaxe nunha botella dunha buceadora de Yucatán (México) que pídenos a nosa colaboración para que busquemos información sobre os animais que ela fotografía nas súas inmersións. Aínque que o primeiro que nos preguntou era se coñecíamos o sitio onde ela vive e fumos o noso mapa e a biblioteca a investigalo. Premendo no seguinte enlace tedes as fotos desta sesión: buceadora.