17.11.17

O XOGO DO PINGÜÍN (6º E.I.)

Temos unha nova incorporación o recuncho de lóxica-matemática que é o XOGO DO PINGÜÍN. O que temos que intentar é co pingüín que está no medio non caiga a medida que rompemos os xeos. É un xogo moi divertido de estratexia que implica pensar se non queremos perder, o malo é ter que volver montalo. Podedes ver todas as fotos premendo no seguinte enlace: xogo.


CUMPREANOS DE NOA (6º E.I.)

Seguimos celebrando os cumpreanos en familia e nesta ocasión é Noa a que xa cumpliu 5 anos. Para celebralo as súas primas Uxía e Saray de 5º E.P. viñéronnos contar o conto de Cocorico que ademais encántanos.




POLO NORTE (6º E.I.)


O noso primeiro destino lévanos o Polo Norte, así que o primeiro que fixemos foi pensar todo o que sabíamos deste lugar. O relacionamos principalmente con Papá Noel e toda a súa familia, ademais de diversos animais como o oso polar, a foca, o lobo, renos... para ampliar a información acudimos a biblioteca a investigar un pouco. Podedes ver todas as fotos premendo no seguinte enlace: polo norte.



16.11.17

PASAPORTE (6º E.I.)

Comezamos a nosa viaxe, así que non nos queda máis remedio que sacar o noso Pasaporte xa que imos cara o estranxeiro.







14.11.17

LECTURAS PEQUECHAS III (5º E.I.)

O luns Alejandra e Pablo, de 2º de E.P. léronnos o conto de "Chocolata".





UN MAR DE CONTOS ( ANIVERSARIO DE SANTIAGO, 4º EI )

Para celebrar o aniversario de Santiago, que xa cumpliu 3 anos, viñeron a súa mamá e o seu pai a contar a historia escrita no libro viaxeiro " Un mar de contos". Entre outras cousas descubrimos que en pouco tempo Santiago viaxará a Colombia de vacacións ( o que da pé a comezar no Proxecto do Mar), que lle gusta moito a praia, xogar ó futbolín e vir ó cole. Despois da lectura fixo a súa coroa de Protagonista da Semana e cantámoslle e lle agasallamos con bicos e apretas. Moitas grazas pola visita!!!!

Lecturas pequechas ( 4º EI )

Como cada luns, os nenos e nenas de 2º de EP viñeron a ler un conto. Esta vez foi  A SOUPA QUEIMA, fixéronno moi ben!!!





13.11.17

ANIVERSARIOS NA COCIÑA ( 4º EI )

Para celebrar o aniversario de Leo, Gabriel e Breixo fixemos una receita de cociña. O primeiro foi dar ideas do que nos apetecía cociñar, houbo moitas respostas: óvos, pastel de castanas, tarta de amorodos, pastel de nata, salchichas... ó final quedaron una receita con óvos e pastel de chocolate, fixemos votacións, e gañou este último. Chegamos á cociña, lavamos as mans, collimos os ingredientes e fixemos dous pasteis de chocolate, e adornámolos con chuches de osiños. Posto que non deu tempo a comelo, ó día seguinte fixémolo, non sen antes cantar a canción de cumpleanos e soprar as velas. Estaba boísimo!!!!!   



 

10.11.17

ZARPAMOS! (6º E.I.)


Está próximo que levemos anclas e zarpemos co noso crucero do porto de Malpica, por iso o primeiro que fixemos foi comprobar cales son as cousas imprescindibles que precisamos para navegar e grazas as todos os obxectos que aportáchedes das casas foi unha actividade moi enriquecedora. Miramos o mapa cunha carta de navegación (cal será a nosa ruta), a importancia dos chalecos e dos botes salvavidas, a utilidade da brúxula e tamén dos prismáticos.
Como o tema da brúxula pareceunos moi interesante estivemos aprendo a orientarnos a través do mapa do Bee-boot, buscábamos un país e despois indicábamos se tiñamos que ir cara o norte, sur, este ou oeste.


Finalmente hoxe decidimos cal será o noso primeiro destino e, por moito que insistí para ir descubrir América, eles queren ir o Polo Norte pero a volta faremos unha parada en Laponia. O que fixemos foi localizar no mapa mundi onde está o porto de Malpica e de ahí zarparemos. Podedes ver todas as fotos premendo no seguinte enlace: brúxula.



FROITOS DE OUTONO: A CASTAÑA (5º E.I.)

Esta semana fixemos outro froito de outono, nesta ocasión tocounos a castaña.
Pintámola de marrón coa cera branda e logo fixemos boliñas pequenas coa plastilina negra; practicando así a motricidade fina.


EXPERIMENTO CON DENSIDADES (6º E.I.)


Coa mestra Dora estivemos experimentando coas densidades, observando como unha mesma sustancia (azucre), engadida a auga en distintas proporcións fai que varíe a súa densidade. Collimos catro vasos de auga e a cada un deles botámoslle colorante para distinguilos e diferentes cantidades de azucre. Despois fumos botando os líquidos no vaso de tubo grande empezando polo que levaba máis azucre. Desta maneira non se mezcla e deposítanse en función da súa densidade, parecía maxia pero é ciencia. Para rematar empregamos distintas sustancias como o leite e o aceite para ver como reacionaban.




8.11.17

LECTURAS PEQUECHAS ( 4º EI)

Como cada luns, recibimos a visita dos maiores de 2º de Primaria ler un conto, esta vez contaron A Toupiña que quería saber quen lle fixera aquilo na cabeza.






7.11.17

LECTURAS PEQUECHAS II (5º E.I.)

Continuamos coa actividade Lecturas Pequechas.
O luns, na hora de ler, viñeron a nosa clase Germán e Sofía de 2º de primaria a contarnos o conto "A sopa queima".




5.11.17

A cara de Breixo ( 4º EI )

Rematamos a semana na que Breixo foi o protagonista, debuxando na Caixa de luz con area a súa cara, intentando reproducir os ollos, boca nariz e orellas, foi moi divertido!!!!!!




I CONCURSO DE VOCES TERRORÍFICAS (5º E.I.)

Esta ano organíxouse por primeira vez o concurso de voces terroríficas e o primer gañador deste concurso foi o noso compañeiro Nicolás contando o conto "Os Bolechas teñen medo" contado por Nicolás, a súa mamá e o seu irmán Tomás. Moitas grazas pola participación de todos e todas.


LA BALLENA ELENA (5º E.I.)

O martes 31 actuamos dentro da semana das Lecturas Terroríficas. Cantamos a canción "La ballena Elena". Aquí queda a actuación destes pequenos grandes artistas.


No seguinte enlace podedes ver e escoitar a canción e así coñecer a Elena LA BALLENA ELENA

TRUCO OU TRATO (5º E.I.)

O luns 31, día de Samaín, fomos ás clases de 3º e  4º  de E.P. a facer o truco e trato, con caretas de monstros mariños. Se os nenos e nenas dicían truco tiñamos que cantar o estribillo da canción "La ballena Elena" e dábannos un agasallo. Os nenos e nenas de 3º déronnos un esqueleto grande e os de 4º unhas tarxetas de Samaín. Foi terrorífico xa que dimos uns grandes sustos.



3.11.17

A VISITA DA BIÓLOGA

O luns 30, tivemos a grande sorte de recibir a visita de Laura, que é bióloga e amiga da profe Patri. Falounos dun montón de cousas sobre a vida no mar : as baleas, animais que brilan na ocuridade, cunchas, corais, esponxas de mar, algas, orellas de mar... e ademáis deixounos tocar as cousas que trouxo, pero para iso precisamos das gafas de científicos que ela mesma nos regalou, Moitísimas grazas por vir e colaborar coas profes de infantil!!!!!!

SAMAÍN ( 4º EI )

Para celebrar o Samaín, ademáis de decorar o cole coas estupendas cabazas feitas na casa, o ciclo de infantil fixemos o Truco ou Trato. Para iso creamos unas caretas de monstros mariños ( temática da festa) e visitamos a clase de 1º de Primaria, onde despois de facer o truco ( cantar a canción de Monstros e demais, de Mamá Cabra)  fixemos un trato e regaláronnos uns colares co nome de cada un. Despois visitamos a aula de 2º de Primaria, e tras facer o truco, recibimos un Chucho Cacho feito por eles, xa que a pasada semana estiveron na nosa clase contando a historia deste ourizo!!!

Tamén fixemos uns monstros mariños con globos e con pintura fluorescente, e  actuamos nas Lecturas Terroríficas utilizando a lámpara de luz negra!!!


PANTASMAS (5º E.I.)

O luns 30, con motivo do Samaín, fomos á cociña a facer pantasmiñas con plátanos.
Primeiro mondamos os plátanos, logo cortámolos a metade, bueno algún fixo tres trociños porque trouxo un plátano grande. Para, finalmente, con pepitas de chocolate poñerlles os ollos e a boca.
E na hora da merenda fomos merendar á cociña esas pantasmas tan terroríficas 😃😃😃😃


2.11.17

MAGOSTO NA AULA DE 3 ANOS

O venres 27 celebramos o magosto no cole. Comezamos a xornada cunha sesión de cine, vimos Hotel Transilvania 2, baixamos a comer as castanas, que por ser os mais pequenos do cole xa estaban peladas, e  rematamos bailando e xogando!!!



EXCURSIÓN A LAXE (4º EI )

A semana pasada fixemos a primeira saída do curso. Visitamos o Museo do Mar de Laxe e Punta Nariga, xa que non puidemos ir á lonxa, pasámolo en grande!!!!!



MAGOSTO 2017 (5º E.I.)

O  venres  27 celebramos o Magosto. Primeiro fomos á biblioteca a ver a película "Hotel Transilvania 2". E, logo baixamos a aula de psicomotricidade a degustar castañas asadas. Estaban moi ricas, houbo nenos que só probaron unha ou dúas e outros que comeron un montón. Cando acabamos de comer saimos o patio a xogar.
Moitas grazas os supermestres que nos pelaron as castañas para poder comelas con máis facilidade.




TRUCO O TRATO (6º E.I.)

O pasado martes rematamos a festa de Samaín coa actividade de TRUCO OU TRATO. Fumos polas clases de primaria que nos tocaran disfrazados coas nosas caretas de Pultiser (o monstro mariño que crearamos) e lles dimos un bo susto e cambio eles fixéronos un agasallo de Samaín, que neste caso foron unhas pegatinas.





31.10.17

NOTICIARIO SAMAIN (6º E.I.)

MONSTROS MARIÑOS (6º E.I.)


Estivemos preparando a nosa actuación para as lecturas terroríficas e para iso o primeiro que tivemos que facer foi crear o noso monstro mariño. Entre todos fixemos un monstro que chamamos PULTISER MARIÑO e tiña cabeza de pulpo, tentáculos que terminaba en serpes, orellas e dentes de tiburón, raias de tigre, cinco ollos e lingua de serpe. Cada un fixo o seu propio debuxo.


Despois con diferentes partes cada un creou o seu propio monstro, podedes ver todas as fotos premendo no seguinte enlace: monstrons mariños.


30.10.17

CABAZAS (6º E.I.)

Podedes ver as cabazas de todos os compañeiros e compañeiras de 6º  E.I. e o percorrido que fixemos polas diversas clases premendo no seguinte enlace: cabazas.


BALEA DE URBANO LUGRÍS (6º E.I.)

Chegou o tempo do samaín, dos monstros mariños e chegamos ao tema das baleas, descubrindo que Malpica foi un porto baleeiro, así que estivemos investigando un pouco e investigando como son as baleas, as súas características e como era a forma de cazalas. O que máis nos chamou a atención foi que a balea azul podía medir ata 30 metros, así que baixamos ao patio para comprobar canto era iso e descubrimos cunha balea casi non collería no patio cuberto. Despois estivemos pensando onde encontramos figuras de baleas en Malpica, acordándonos que temos unha escultura no mirador extraída dun dos seus cadros que nos tamén reproducimos. Podedes ver todas as fotos premendo no seguinte enlace: Baleas.



EXCURSIÓN LAXE (6º E.I.)


O pasado xoves 26 de outubro todo o ciclo de Educación Infantil fumos visitar o Museo do Mar de Laxe, onde Joaquín explicounos moitas cousas sobre o Mar. Primeiro vimos unhas fotos antigas de Malpica onde non reconocíamos case nada, tamén vimos distintos barcos e as súas maquetas, que pescaban e como facían a súa maniobra, un oso da mandíbula da balea, un cañón... moitas cousas e todas moi interesantes. Á volta paramos no faro de Punta Nariga e estivemos vendo as illas Sisargas dende outra prespectiva e a clase de 6º E.I. buscou a pedra da Percebillosa, que é como se chama a súa clase. Podedes ver todasa as fotos da excursión premendo no seguinte enlace: Museo do Mar.